Bale hugsanlega með gegn Real Madrid

Vængmaðurinn Gareth Bale mun fljúga með Tottenham til Spánar og bendir flest til þess að hann muni leika með Spurs í átta liða úrslitum Meistaradeildar Evrópu gegn Real Madrid.

Bale tók þátt í æfingu Spurs í gær en Harry Redknapp, stjóri liðsins, mun líklega ekki taka ákvörðun um hans þáttöku í leiknum fyrr en skömmu fyrir leik.

"Við erum bjartsýnir á að hann geti spilað en það mun ekki skýrast endanlega nema rétt fyrir leik. Það skýrist margt eftir næstu æfingu," sagði Kevin Bond aðstoðarþjálfari.