Mourinho: Titlarnir munu koma

Jose Mourinho, þjálfari Real Madrid, var afslappaður á blaðamannafundi eftir 3-0 sigur Real Madrid á Lyon í Meistaradeildinni í kvöld. Portúgalski þjálfarinn vildi ekki gera alltof mikið úr því að Real tækist loksins að komast í átta liða úrslitin í keppninni eftir sjö ára fjarveru.

„Ég vil ekki gera of mikið úr þessum leik eða úr því að við höfum farið áfram," sagði Jose Mourinho á blaðamannfundi.

„Real Madrid er samt alltof stórt félag til þess að komast ekki í átta liða úrslitin," sagði Mourinho.

„Við erum á réttri leið og titlarnir munu koma hvort sem það verður á þessu tímabili eða því næsta.

„Ég reyni bara að sinni minni vinnu og gera mitt besta. Mér líður vel, ég er ánægður og ég tel að leikmennirnir mínir finni það," sagði Jose Mourinho.