Heimsmeistararnir komnir heim

Heimsmeistararnir í knattspyrnu eru komnir heim til Spánar en þeir lentu á flugvellinum í Madrid fyrr í dag.

Þó nokkur fjöldi var mættur út á flugvöll til þess að fagna liðinu en búist er við yfir milljón manns á götum Madridar er liðið mun keyra um borgina á opnum vagni.

Rútuferðin mun taka rúma tvo tíma en eftir það mætir liðið til veislu og mun verða fagnað á Spáni í allt kvöld.

Áður en liðið leggur af stað í rútuferðina þurfa leikmenn að taka létta siestu eins og lög gera ráð fyrir á Spáni.