Gunnar Heiðar ekki til Charlton

Gunnar Heiðar Þorvaldsson mun ekki semja við Charlton en félagið ákvað að bjóða honum ekki samning að þessu sinni.

Gunnar Heiðar var stærstan hluta undirbúningstímabilsins hjá Charlton en meiddist í æfingaleik og sneri þá aftur til Íslands.

Hann var í láni hjá Reading á síðari hluta síðasta tímabils en gat lítið spilað þar vegna meiðsla. Hann var þá á mála hjá Esbjerg í Danmörku en hefur fengið sig lausan þaðan.

Gunnar Heiðar er því samningslaus eins og er en hefur til loka ágústmánaðar til að finna sér nýtt félag.