Umfjöllun: Stjarnan í fjórða sætið með stórsigri

Stjörnumenn komust upp í fjórða sætið í Pepsi-deild karla eftir 5-0 sigur á Haukum á Vodafone-vellinum í kvöld. Þetta var aðeins aðeins annars sigur Stjörnumanna á grasi í sumar en Haukar hafa nú leikið fyrstu sextán deildarleiki sína í sumar án þess að ná að vinna og sitja fyrir vikið einir á botninum.

Stjörnumenn voru miklu beinskeyttari í sínum sóknum frá upphafi leiks og þó að spilamennska Hauka hafði verið ágæt út á velli í upphafi leiks þá voru sóknarleikmenn klaufar þegar kom að því klára lofandi sóknir sínar.

Stjörnuliðið sótti hinsvegar hratt og af krafti og áttu öll hættulegustu færi hálfleiksins. Halldór Orri Björnsson kom Stjörnunni í 2-0 fyrir hálfleik með tveimur mörkum með átta mínútna millibili, það fyrra úr víti sem Þorvaldur Árnason fékk og það seinna eftir gott upphlaup Arnars Más Björgvinssonar.

Haukarnir byrjuðu seinni hálfleikinn vel og fengu vítaspyrnu á 51. mínútu þegar Hilmar Rafn Emilsson fiskaði víti á Ólaf Karl Finsen. Bjarni Þórður Halldórsson varði hinsvegar vítaspyrnu Guðjóns Péturs Lýðssonar og fljótlega var allt loft úr Haukamönnum.

Ólafur Karl Finsen var stressaður og úr takti við leikinn fram eftir öllum leik en fór loks í gang í seinni hálfleik. Hann skoraði þrennu á síðasta hálftímanum, tvö einföld mörk eftir flottan undirbúning félaga sinna í Stjörnuliðinu og það þriðja eftir glæsilegan einleik.

Garðar Jóhannsson kom inn á hjá Stjörnunni og lék fjórtán síðustu mínútur leiksins. Hann var einu sinni nálægt því að skora eftir skógarhlaup Daða Lárussonar í marki Hauka en hann hitti ekki tómt markið.

Haukar-Stjarnan 0-5

0-1 Halldór Orri Björnsson, víti (31.)

0-2 Halldór Orri Björnsson (39.)

0-3 Ólafur Karl Finsen (58.)

0-4 Ólafur Karl Finsen (82.)

0-5 Ólafur Karl Finsen (89.)

Dómari: Kristinn Jakobsson (8)

Áhorfendur: 493

Tölfræðin:

Skot (á mark): 5-20 (3-13)

Varin skot: Daði 6 - Bjarni Þórður 2

Horn: 3-4

Aukaspyrnur fengnar: 5-12

Rangstæður: 8-6

Haukar (4-4-2)

Daði Lárusson 6

Ásgeir Þór Ingólfsson 5

Guðmundur Viðar Mete 4

Daníel Einarsson 3

(65., Þórhallur Dan Jóhannsson 4)

Kristján Ómar Björnsson 4

Magnús Björgvinsson 4

(46., Pétur Ásbjörn Sæmundsson 5)

Guðjón Pétur Lýðsson 7

Jamie McCunnie 4

Hilmar Rafn Emilsson 6

Alexandre Garcia 3

(46., Gunnar Ormslev 4)

Hilmar Geir Eiðsson 5

Stjarnan (4-3-3)

Bjarni Þórður Halldórsson 7

Bjarki Páll Eysteinsson 6

Tryggvi Sveinn Bjarnason 6

Daníel Laxdal 7

Jóhann Laxdal 7

Björn Pálsson 7

Dennis Danry 5

(87. Birgir Rafn Baldursson -)

Halldór Orri Björnsson 7 - Maður leiksins -

Arnar Már Björgvinsson 6

(71., Víðir Þorvarðarson -)

Ólafur Karl Finsen 7

Þorvaldur Árnason 7

(76., Garðar Jóhannsson -)

Leiknum var lýst beint á Boltavakt Vísis og Fréttablaðsins. Til þess að sjá lýsinguna þarf að smella hér: Haukar - Stjarnan