Steven Gerrard: Hausinn á mér er stilltur á HM

Steven Gerrard, leikmaður Liverpool og enska landsliðsins, ætlar ekki að láta sögusagnir um framtíð hans hjá Liverpool eyðileggja fyrir sér heimsmeistaramótið í sumar þar sem hann verður í eldlínunni með englendingum. Liverpool endaði í sjöunda sæti deildarinnar en fyrir tímabilið voru markmiðin titilbarátta sem brást heldur betur. Real Madrid hefur líst yfir áhuga á leikmanninum sem og Chelsea sem aldrei hafa leynt ást sinni á Steven Gerrard. „Ég lét sögusagnir hafa mikil áhrif á mig á síðasta heimsmeistaramóti en það mun ekki gerast núna. Ég var vanur að sitja inn í herbergi að lesa öll blöðin, skoða internetið og tala við fólk heima sem sagði mér frá öllu slúðrinu," sagði Gerrard. „Ég mun ekki gera sömu mistök aftur. Fólkið í kringum veit að það er ekki leyfilegt að tala um framtíð mína eða sögusagnir sem tengjast mér þegar að það er í kringum mig. Það er mjög mikilvægt núna," bætti Gerrard við. „Ég er ekki að hugsa um hvað sé að gerast hjá Liverpool núna, hausinn á mér er stilltur á heimsmeistaramótið."