Hollenska liðið í bátsferð um síki Amsterdam í dag - myndasyrpa

Hollenska fótboltalandsliðið fékk höfðinglegar móttökur í Amsterdam í dag þegar liðið sigldi um síki borgarinnar og heilsaði löndum sínum. Hollenska liðið gat þarna brosað í gegnum tárin eftir sárt tap í úrslitaleiknum á móti Spánverjum á sunnudaginn.

Hollenska liðið var gagnrýnt fyrir grófan og leiðinlegan leik í úrslitaleiknum og sögðu leikmenn og þjálfarar það hafa komið sér á óvart að fá svona flottar móttökur í dag.

Ljósmyndarar AP-fréttastofunnar voru mættir á staðinn og mynduðu ferð hollenska liðsins um síki borgarinnar.

Myndirnar má sjá í albúminu hér að neðan. Hægt er að sjá myndirnar stærri með því að smella á þær.