100 dagar í HM - Lærðu að dansa diski

Hátíðarhöld standa yfir um alla Suður-Afríku þar sem 100 dagar eru í að heimsmeistaramótið fer af stað. Í tilefni dagsins máttu skólabörn í landinu sleppa hefðbundnum skólabúningum og klæðast fótboltabúningum.

Skemmtanir verða haldnar í kvöld og Jóhannesarborg iðar af lífi. Þar getur fólk fengið kennslu í „diski" en það er sérstakur dans þar sem líkt er eftir fótboltahreyfingum. Dansinn er stór hluti af markaðssetningu mótsins.

Fyrir utan ráðhúsið er búið að koma fyrir 100 fótboltum og verður einn gefinn á hverjum degi fyrir mótið.

Sepp Blatter, forseti FIFA, er búinn að skoða vellina sem keppt verður á í sumar og segir hann að það sé ljóst að Suður-Afríka sé tilbúin að halda þennan stórviðburð.

Smelltu hér til að fá kennslu í diski