Þjóðfundurinn gæti aukið bilið milli almennings og stjórnmála

Sænskur prófessor í stjórnmálafræði sem kom hingað til að fylgjast með Þjóðfundinum segir að fundurinn sé afar áhugaverð tilraun, sem sé einstæð á Norðurlöndum. Verði hins vegar ekki hlustað á fólkið gæti fundurinn orðið til að auka bilið á milli almennings og stjórnmála.

Þjóðfundurinn sem fram fór í Laugardalshöllinni í gær vakti athygli út fyrir landsteinanna. Nokkrir erlendir miðlar komu hingað til lands til að fylgjast með fundinum og nokkrir erlendir fræðimenn líka. Þar á meðal Anne Catherine Jungar, prófessor í stjórnmálafræði við Södertörn háskólann í Stokkhólmi.

Anne Catherine segir að Þjóðfundurinn sé spennandiitilraun sem ekki hafi verið gerð áður á Norðurlöndum. Hún bendir á nú standi yfir endurskðun á stjórnarskrám, bæði Svíðþjóðar og Finnlands. Almenningur þar fá ekki jafn mikil tækifæri til að koma að ferlinu eins og hér.

Anne Catherine sagði að Þjóðfundinn gott tækifræri fyrir almenning til þess að hafa áhrif á hvernig stjórnmál eru stunduð í landinu. Og það sé einnig mikilvægt að almenningur skilji að möguleikarnir til hafa áhrif séu til staðar.

En munu niðurstöður Þjóðfundarins skila sér inn í nýja stjórnarskrá, spyr Anne Catherine. Hún segir ef að almenningi sé boðið að taka þátt í hinu pólitíska ferli en sé svo ekki tekið til greina það sem fólkið hefur að segja gæti fundurinn orðið til þess að fólk verði enn neikvæðara í garð stjórnmálanna.