Cech: Komið að okkur að vinna Meistaradeildina

Petr Cech, markvörður Chelsea, er sannfærður um að þetta verði leiktímabilið þar sem Chelsea tekst loksins að vinna Meistaradeildina.

Chelsea hefur ekki enn tekist að vinna Meistaradeildina síðan Roman Abramovich keypti liðið. Næst komst Chelsea því að vinna deildina þegar liðið tapaði fyrir Man. Utd í vítaspyrnukeppni í Moskvu.

"Við unnum tvennuna í fyrra sem var frábært en náðum ekki takmarki okkar í Meistaradeildinni. Við höfum verið svo nálægt því að vinna keppnina en við trúum því að nú sé komið að okkur. Við trúum því alltaf að við getum farið alla leið," sagði Cech.