Park hetja United - öll úrslit dagsins

Ji Sung Park var hetja Manchester United er hann skoraði bæði mörkin í 2-1 sigri á Wolves í dag.

Allt stefndi í sjötta jafntefli United á leiktíðinni þar til að Park skoraði sigurmark leiksins í uppbótartíma eftir laglegt spil inn í teig Wolves.

Hann hafði komið sínum mönnum yfir með marki í lok fyrri hálfleiks eftir sendingu Darren Fletcher.

Varamaðurinn Sylvan Ebanks-Blake jafnaði hins vegar metin fyrir Wolves en það reyndist ekki nóg.

Þetta var þriðji sigur United í röð í deildinni en liðið minnkaði forystu Chelsea í tvö stig á toppi deildarinnar. Chelsea á þó leik til góða.

Stoke tapaði, 2-0, fyrir Sunderland. Asamoah Gyan skoraði bæði mörk Sunderland en Eiður Smári Guðjohnsen var ekki í leikmannahópi Stoke í dag.

Blackburn vann sinn fyrsta sigur síðan í september er liðið vann Wigan, 2-1.

Brede Hangeland náði að bjarga stigi fyrir Fulham gegn Aston Villa á heimavelli með marki á lokamínútum leiksins.

Þá hélt Blackpool áfram að safna stigum en liðið varð þó að sætta sig við 2-2 jafntefli við Everton á heimavelli eftir að hafa komist tvívegis yfir.

West Ham er enn í botnsæti deildarinnar en náði í gott stig á útivelli gegn Birmignham.

Úrslit og markaskorarar:

Birmingham - West Ham 2-2

0-1 Frederic Piquionne (48.)

0-2 Valon Behrami (58.)

1-2 Cameron Jerome (64.)

2-2 Liam Ridgewell (73.)



Blackburn - Wigan 2-1

1-0 Morten Gamst Pedersen (58.)

2-0 Jason Roberts (67.)

2-1 Charles N'Zogbia (75.)

Sunderland - Stoke 2-0

1-0 Asamoah Gyan (9.)

2-0 Asamoah Gyan (86.)

Rautt: Ryan Shawcross, Stoke (82.)

Manchester United - Wolves 2-1

1-0 Ji Sung Park (45.)

1-1 Sylvan Ebanks-Blake (66.)

2-1 Ji Sung Park (93.)

Fulham - Aston Villa 1-1

0-1 Marc Albrighton (41.)

1-1 Brede Hangeland (90.)



Blackpool - Everton 2-2

1-0 Neil Eardley (10.)

1-1 Tim Cahill (13.)

2-1 David Vaughan (48.)

2-2 Seamus Coleman (58.)