Íslendingarnir í sínu fyrsta verkefni

14. janúar 2010 15:24

Íslenska alþjóðabjörgunarsveitin vinnur nú að sínu fyrsta rústabjörgunarverkefni á Haítí. Tveir hópar sveitarinnar leita í rústum fjögurra hæða húss/verslunamiðstöðvar á Caribbean Market sem er verslunarstaður í Port au Prince og er talið að þrír einstaklingar sem eru á lífi séu fastir í rústunum.

Þetta kemur fram í tilkynningu frá Landsbjörgu en þar segir einnig að svokallaður búðahópur vinni hörðum höndum við að reisa búðir á flugvallasvæðinu og verða þær sameiginlegar með belgískri björgunarsveit. „Einnig er unnið að því að koma fjarskiptum og öðrum búnaði í gang. Skortur á eldsneyti hefur skapað einhver vandkvæði en búið er að leysa þau mál. Önnur aðföng hafa reynst erfiðari, t.d. vantar sveitina timbur til stífinga, gas og súrefni."

Auk íslensku sveitarinnar hefur sú bandaríska einnig hafið eiginleg björgunarstörf á skaðasvæðinu en enn sem komið er eru aðeins þrjár aðrar sveitir komnar á staðinn, þ.e. sú bandaríska, belgíska og sveit frá Kína.

Tengdar fréttir

Rústabjörgunarsveitin fær litla hvíld

Íslenska björgunarsveitin sem send var til Haítí fær litla hvíld en björgunarstarf hefst innan skamms. Liðsmenn sveitarinnar gátu lagst til hvílu á milli klukkan sex og sjö í morgun en til stóð að þeir myndu hefja undirbúning fyrir björgunarstörf klukkan rúmlega 10. Þetta segir Dagbjartur Brynjarsson, einn af stjórnendum sveitarinnar, sem staddur er í höfuðstöðvum Slysavarnafélagsins Landsbjargar hér á landi. Mikilvægt sé að nýta dagsbirtuna vel en fimm klukkustunda tímamismunur er á milli Haítí og Íslands.

14. janúar 2010 10:50

Bíður milli vonar og ótta eftir fréttum

Elda Þórisson Faurelien talaði í síma við frænda sinn í Port-au-Prince klukkustund áður en jarðskjálftinn reið yfir í fyrrakvöld. Síðan hefur hún ekki heyrt af afdrifum hans, annars skyldfólks – þar á meðal bróður og fjölskyldu hans – né vina í borginni. Sama á við um starfsfólk og nemendur barnaskóla sem Elda stofnaði ásamt fleirum fyrir nokkrum árum. Látlausar tilraunir hennar í gær til að fá fréttir af sínu fólki báru ekki árangur.

14. janúar 2010 03:30

Ólafur Ragnar sendi samúðarkveðjur til forseta Haítí

Forseti Íslands Ólafur Ragnar Grímsson sendi í dag samúðarkveðjur til forseta Haítí René Préval og tjáði honum stuðning íslensku þjóðarinnar á tímum erfiðleika, sorgar og áfalla.

14. janúar 2010 13:25

„Þar sem einu sinni var fínt hótel…“

„Hann lét strax vita. Áður en við vissum af skjálftanum hringdi hann í konuna sína í Bandaríkjunum,“ sagði Alfa Ragnarsdóttir, móðir Halldórs Elíasar Guðmundssonar, sem var á Haítí þegar stóri skjálftinn reið yfir.

14. janúar 2010 03:15

Íslenska björgunarsveitin hefst handa

Íslenska björgunarsveitin, sem send var til Haíti, er nú búin að koma sér upp búðum við alþjóðaflugvöllinn, eftir að hafa kannað ýmsa staði til þess inni í borginni.

14. janúar 2010 08:34

Algert öngþveiti ríkir enn á götum Port au Prince

Algert öngþveiti ríkir enn í Port au Prince eftir jarðskjálftann. Lík liggja enn eins og hráviði um götur borgarinnar því enginn er til þess að flytja þau á brott.

14. janúar 2010 08:28

Íslenskur sendifulltrúi til Haítí í dag

Hlín Baldvinsdóttir, með reyndustu sendifulltrúum Rauða kross Íslands, heldur til Haítí í dag. Hún mun gegna stöðu fjármálastjóra í sérfræðingateymi Alþjóða Rauða krossins sem meta mun þörf á aðstoð næstu vikna og mánaða að því er fram kemur í tilkynningu frá Rauða krossi Íslands. Hlín hefur unnið að fjölmörgum verkefnum fyrir Rauða kross Íslands og Alþjóða Rauða krossinn frá árinu 1998, jafnt í þróunarstarfi sem neyðaraðgerðum í kjölfar hamfara.

14. janúar 2010 11:48

Síminn tekur ekki gjald af símasöfnun fyrir Haítí

„Málið er að það urðu leiðindamistök,“ segir Margrét Stefánsdóttir, upplýsingafulltrúi Símans, en þeir sem hafa hringt í styrktarsíma Rauða Krossins í þeim tilgangi að styrkja björgunarstarf í Haítí, hafa orðið varir við að Síminn tilkynnir viðkomandi að 79 krónu gjald renni til símans.

14. janúar 2010 11:44