Blatter íhugar að afnema rangstöðuregluna

Ólíkindatólið Sepp Blatter, forseti FIFA, er sagður vera að íhuga þann möguleika að taka rangstöðuregluna úr knattspyrnunni. Það myndi eðlilega gjörbreyta leiknum.

Blatter er sagður heillast af því hversu miklu það breytti fyrir íshokký þegar rangstöðureglan var afnumin í íþróttinni árið 1998. Leikurinn varð eftir það mun opnari og áhugaverðari fyrir áhorfendur.

Forseti íshokkýsambandsins, Leandro Negre, staðfesti í dag að hann hefði fundið með Blatter vegna málsins. Blatter vildi fá að heyra hverju þetta hefði nákvæmlega breytt.

Negre sagði þó að Blatter hefði ekkert gefið upp um hvað hann væri nákvæmlega að hugsa en sagði Blatter hafa verið áhugasaman um að kynna sér málið.