Bramble verður ekki kærður fyrir nauðgun

Titus Bramble, varnarmaður Sunderland, er laus allra mála en hann var sakaður um nauðgun í síðasta mánuði.

Bramble var handtekinn ásamt bróður sínum í tengslum við málið. Bróðirinn er ekki laus allra mála en Titus getur farið að einbeita sér að boltanum á nýjan leik.

"Síðustu vikur hafa verið erfiðar fyrir Titus og ég vona að þeir sem dæmdu hann á sínum tíma biðji hann afsökunar núna," sagði Njáll Quinn, stjórnarformaður Sunderland.

"Titus hélt fram sakleysi sínu frá fyrsta degi og hefur nú verið hreinsaður af öllum ásökunum."