Umfjöllun: Baráttusigur FH á botnliði Grindvíkur

FH vann í kvöld 2-1 sigur á Grindavík eftir að hafa lent marki undir snemma leiks. Grindavík er fyrir vikið enn stigalaust á botni deildarinnar.

Ljóst var fyrir leikinn að mikið lá undir. Grindavík hafði tapað fyrstu fjórum leikjum tímabilsins en FH, sem voru spáð titilbaráttu fyrir tímabilið, sat þremur sætum ofar með fjögur stig úr fjórum leikjum. Leikurinn var hinsvegar ekki fjörugur þrátt fyrir þrjú mörk í fyrri hálfleik.

FH byrjaði leikinn betur, pressaði hátt á Grindvíkingana sem náðu litlu spili fram. Það var því gegn gangi leiksins þegar Grétar Ólafur Hjartarsson skoraði fyrsta mark leiksins á 12. mínútu leiksins eftir góðan undirbúning Jósefs Kristins og Giles Mgbang Ondo.

FH-ingar héldu áfram að pressa og sköpuðu sér nokkur hálffæri en þó engin afgerandi. Þeir náðu þó að skora á 33. mínútu og var þar að verki Matthías Vilhjálmsson eftir hornspyrnu Atla Guðnasonar. Stuttu seinna þurfti Marko Valdimar Stefánsson að fara af velli eftir þungt höfuðhögg við skallaeinvígi í teig Grindvíkinga og var hann fluttur burt á sjúkrabíl í hálfleik

FH náði svo að skora aftur rétt fyrir hálfleik en þar var að verki Atli Viðar Björnsson eftir mistök í vörn Grindvíkinga. Hjörtur Logi Valgarðsson átti fyrirgjöf inn í teiginn þar sem Alexander Magnússon misreiknaði boltann og fékk hann yfir sig. Þar beið Atli Viðar, lék á einn varnarmann og skoraði framhjá Rúnari Dóri. FH varð því komið með nokkuð sanngjarna 2-1 forystu þegar flautað var til hálfleiks.

Lítið gerðist í seinni hálfleik. FH-ingar voru þó líklegri til að bæta við seinna markinu og var Atli Guðnason hættulegur á vinstri kantinum og Matthías Vilhjálmsson hættulegur fyrir framan markið. Það mátti oft litlu muna og varði Rúnar til að mynda vel skalla Matthíasar í slánna. Þá átti Atli Viðar skalla að marki en boltinn endaði ofan á þaknetinu.

Leikurinn endaði því 2-1 fyrir FH og lyfta Hafnfirðingar sér því upp fyrir Stjörnuna en aðeins eitt stig skilur að liðin í öðru til áttunda sæti.

FH - Grindavík 2-1

0-1 Grétar Ólafur Hjartarson (12.)

1-1 Matthías Vilhjálmsson (33.)

2-1 Atli Viðar Björnsson (43.)

Áhorfendur: Óuppgefið

Dómari: Þorvaldur Árnason 6

Skot (á mark): 12-3 (6-2)

Varin skot: Gunnleifur 1 - Rúnar Dór 4

Horn: 7-1

Aukaspyrnur fengnar: 12-13

Rangstöður: 0-2

FH (4-4-2):

Gunnleifur Vignir Gunnleifsson 5

Guðmundur Sævarsson 6

Tommy Fredsgaard Nielsen 5

Pétur Viðarsson 5

Hjörtur Logi Valgarðsson 6

Atli Viðar Björnsson 6

Hákon Atli Hallfreðsson 6

Bjarki Bergmann Gunnlaugsson 5

(70. Ásgeir Gunnar Ásgeirsson 5)

Atli Guðnason 7

Matthías Vilhjálmsson 7 - maður leiksins

Torger Motland 5

(81. Jacob Neestrup -)

Grindavík (4-5-1):

Rúnar Dór Daníelsson 5

Ray Anthony Jónsson 6

Auðunn Helgason 6

Marko Valdimar Stefánsson 5

(38. Loic Mgbang Ondo 5)

Alexander Magnússon 5

(75. Óli Baldur Bjarnason -)

Scott Mckenna Ramsay 5

Orri Freyr Hjaltalín 6

Jóhann Helgason 5

Jósef Kristinn Jósefsson 6

Grétar Ólafur Hjartarson 6

(75. Matthías Örn Friðriksson -)

Gilles Daniel Mgbang Ondo 6

Leikurinn var í beinni lýsingu á Boltavakt Vísis og Fréttablaðsins en lesa má lýsinguna hér: FH - Grindavík.