Wenger óttast að Gibbs sé ristarbrotinn

Arsene Wenger, stjóri Arsenal, óttast að Kieran Gibbs hafi ristarbrotnað í leik lðisins gegn Tottenham í ensku deildabikarkeppninni í gær.

Gibbs var skipt af velli í framlengingu leiksins en Arsenal vann, 4-1. Hann missti af stærstum hluta síðasta tímabils vegna samskonar meiðsla.

„Þetta þurfum við að athuga," sagði Wenger. „Þetta eru einu vonbrigði kvöldsins þar sem við spiluðum vel í leiknum."

„Hann er með brotið bein í ristinni en ekki það sama og hann braut áður. En ef þetta reynist vera svo væri það mikið áfall fyrir okkur."

Enn hafa engar staðfestar fregnir borist af meiðslum Gibbs.