Umfjöllun: Sannfærandi í Eyjum

Eyjamenn eru komnir á topp Pepsi-deildar karla eftir sannfærandi 1-0 sigur á Fylki á Hásteinsvelli í Vestmannaeyjum. Þórarinn Ingi Valdimarsson skoraði eina mark leiksins í síðari hálfleik.

Lítið sem ekkert gerðist í leiknum í fyrri hálfleik en fyrsta skot leiksins kom ekki fyrr en á 30. mínútu. Þar var að verki Tryggvi Guðmundsson sem átti skot rétt yfir mark Fylkis eftir hornspyrnu James Hurst.

Ásgeir Börkur Ásgeirsson fékk einu áminningu fyrri hálfleiks en í þeim síðari fékk hann aðra áminningu, og þar með rautt spjald, fyrir leikaraskap er hann reyndi að fiska aukaspyrnu á Tryggva Guðmundsson á miðjum vellinum. Örvar Sær Gíslason, dómari leiksins, sá í gegnum það og hikaði ekki við að gefa Ásgeiri Berki hans síðara gula spjald í leiknum.

Eina mark leiksins kom svo á 69. mínútu er Þórarinn Ingi fékk boltann frá Andra Ólafssyni í teig gestanna. Hann gerði engin mistök þegar hann lagði boltann hægra megin í hornið, fram hjá Fjalari Þorgeirssyni í marki Fylkis.

Lítið marktækt gerðist í leiknum eftir það. Eyjamenn bökkuðu og tíu manna lið Fylkis náði ekki að brjóta vörn ÍBv á bak aftur. Niðurstaðan var því sannfærandi sigur í hörkuleik á Hásteinsvelli, 1-0.

ÍBV - Fylkir 1-0

1-0 Þórarinn Ingi Valdimarsson (69.).

Hásteinsvöllur. Áhorfendur: 705.

Dómari: Örvar Sær Gíslason (4).

Tölfræði leiksins:

Skot (á mark): 11-7 (7-6).

Varin skot: Albert 5 - Fjalar 7.

Horn: 8-6.

Aukaspyrnur fengnar: 11-17.

Rangstöður: 4-5.

ÍBV (4-5-1):

Albert Sævarsson 7

James Hurst 6

Eiður Aron Sigurbjörnsson 6

Rasmus Christiansen 6

Matt Garner 7

Tony Mawejje 6

(67. Ásgeir Aron Ásgeirsson 7)

Finnur Ólafsson 6

(76. Eyþór Helgi Birgisson -)

Andri Ólafsson 7

Tryggvi Guðmundsson 6

Þórarinn Ingi Valdimarsson 8 - maður leiksins

Denis Sytnik 6

(87. Yngvi Magnús Borgþórsson -)

Fylkir (4-3-3):

Fjalar Þorgeirsson 6

Þórir Hannesson 7

Kristján Valdimarsson 6

Valur Fannar Gíslason 6

Andrés Már Jóhannesson 6

Ólafur Ingi Stígsson 6

Ásgeir Börkur Ásgeirsson 6

Kjartan Ágúst Breiðdal 6

(78. Ásgeir Örn Arnþórsson -)

Ingimundur Níels Óskarsson 7

(74. Jóhann Þórhallsson -)

Pape Mamadou Faye 6

Albert Brynjar Ingason 5

Leiknum var lýst beint á Boltavakt Vísis og Fréttablaðsins. Smelltu hér til að lesa lýsingu leiksins: ÍBV - Fylkir.