Sullivan: Erlendu leikmönnunum er alveg sama um West Ham

David Sullivan, annar eigandi West Ham, er brjálaður út í nokkra erlenda leikmenn félagsins sem hann segir að sé alveg sama um félagið.

Hamrarnir eru á botni úrvalsdeildarinnar eftir þrjú töp.

"Við erum með erlenda leikmenn sem vildu fara en við fengum engin tilboð í þá. Ég held að þeim sé alveg sama en núna þurfa þeir að standa sig."

"Þeir verða hérna í það minnsta þangað til í janúar og þeir verða að haga sér eins og atvinnumenn," sagði meðeigandinn.

Hann sér þó fram á bjartari tíma fyrir liðið.

"Við erum að fá menn sem hafa verið meiddir inn og við förum að rétta úr kútnum," sagði hann.