Serbar skilja tvo Chelsea-leikmenn eftir heima

Radomir Antic, þjálfari serbneska landsliðsins, er búinn að tilkynna HM-hópinn sinn en Serbía verður í riðli með Þýskalandi, Gana og Ástralíu á HM í Suður-Afríku sem hefst í næsta mánuði.

Chelsea-mennirnir Slobodan Rajkovic og Nemanja Matic voru tveir af mönnunum sem lentu í síðasta niðurskurðinum þegar Antic skar niður um sex leikmenn.

Slobodan Rajkovic er 21 árs varnarmaður sem hefur verið í láni hjá hollenska liðin Twente síðustu tvö tímabil en Nemanja Matic er 21 árs miðjumaður sem kom við sögu í 3 leikjum Chelsea á tímabilinu.

Frægustu leikmenn Serba eru Nemanja Vidic hjá Manchester United, Branislav Ivanovic hjá Chelsea og Dejan Stankovic hjá Internazionale en þjálfarinn hefur sjálfur spáð því að Nikola Zigic, framherji Valencia, muni slá í gegn í Suður-Afríku í sumar.

Nikola Zigic er 29 ára og 202 sm framherji sem skoraði 13 mörk í 19 leikjum í láni hjá Racing Santander á síðasta tímabili en hefur fengið fá tækifæri með Valencia í vetur.

Stuðningsmenn Liverpool munu örugglega fylgjast vel með Milan Jovanovic sem er væntanlega á leiðinni til liðsins í sumar frá Standard Liege.

HM-hópur Serbíu:

Markmenn: Vladimir Stojkovic (Wigan), Zeljko Brkic (Vojvodina Novi Sad), Bojan Isailovic (Cukaricki Belgrade), Andjelko Djuricic (Leiria).

Varnarmenn: Branislav Ivanovic (Chelsea), Antonio Rukavina (Munich 1860), Nemanja Vidic (Manchester United), Neven Subotic (Borussia Dortmund), Aleksandar Lukovic (Udinese), Ivan Obradovic (Saragossa), Aleksandar Kolarov (Lazio).



Miðjumenn: Dejan Stankovic (Inter Milan), Nenad Milijas (Wolverhampton), Miloss Krasic (CSKA Moscow), Milan Jovanovic (Standard Liege), Milos Ninkovic (Dynamo Kiev), Zdravko Kuzmanovic (Stuttgart), Zoran Tosic (Cologne), Gojko Kacar (Hertha Berlin), Radosav Petrovic (Partizan Belgrade).

Sóknarmenn: Nikola Zigic (Valencia), Marko Pantelic (Ajax), Danko Lazovic (Zenith), Dragan Mrdja (Vojvodina).