John Terry og Steven Gerrard: Við munum standa á bak við Robert

Steven Gerrard, fyrirliði enska landsliðsins, og varnarmaðurinn John Terry töluðu báðir um það eftir jafnteflisleikinn á móti Bandaríkjunum í kvöld að allir í liðinu ætli að standa á bak við markvörðinn Robert Green sem gerði hræðileg mistök í jöfnunarmarki Bandaríkjamanna.

„Þetta er eitt af þessum hlutum sem gerast og það synd að þetta skyldi gerast fyrir Robert. Við munum rífa hann upp og við erum í þessu saman," sagði John Terry við BBC eftir leikinn.

„Þetta var erfiður leikur og það mikilvægasta var að reyna að vinna hann. Við gáfum þeim markið en það er bara eitt af þessu skrítna sem gerist í fótboltanum. VIð munum standa á bak við Robert og hann á örugglega eftir að verja mikilvægan bolta fyrir okkur seinna," sagði Steven Gerrard og bætti við:

„Við náðum ekki að skora sigurmarkið en við setum nú stefnuna á því að ná sjö stigum í riðlinum," sagði Gerrard við BBC eftir leikinn.