VÍS styrkir Ragnheiði Ragnarsdóttur sundkonu

Vátryggingafélag Íslands hf., betur þekkt sem VÍS, hefur ákveðið að styrkja sundkonuna Ragnheiði Ragnarsdóttur sem stefnir á þátttöku á sínum þriðju Ólympíuleikum í London eftir tvö ár.

VÍS og Sunddeild KR efna til kynningarfundar á föstudaginn þar sem VÍS og Ragnheiður munu undirrita samstarfs- og styrktarsamning sem verður kynntur nánar á fundinum.

Ragnheiður er í hópi fremstu afreksíþróttamanna okkar og stefnir ótrauð á sína þriðju Ólympíuleika í London 2012 en það ár á hún 20 ára sundafmæli. Samningurinn við VÍS mun auðvelda henni að ná markmiðum sínum og halda sér í hópi bestu sundkvenna í heimi.