Körfubolti

NBA bannar Atlanta Hawks að kynna strippstað

Ingvi Þór Sæmundsson skrifar
Atlanta Hawks mátti ekki kynna strippstað fyrir leikinn gegn Orlando Magic í næstu viku.
Atlanta Hawks mátti ekki kynna strippstað fyrir leikinn gegn Orlando Magic í næstu viku. getty/Nic Antaya

Ekkert verður af samstarfi Atlanta Hawks við strippstaðinn Magic City. NBA-deildin sló á putta Haukanna og bannaði þeim að halda viðburð þar sem kynna átti staðinn.

Atlanta ætlaði að vinna með Magic City fyrir leikinn gegn Orlando Magic 16. mars og kynna strippstaðinn.

Þetta vakti athygli hæstráðenda NBA-deildarinnar og þeir settu sig í samband við stjórnendur Atlanta. Í kjölfarið var félaginu meinað að halda viðburðinn.

Að sögn Adams Silver, yfirmanns NBA, gerðu ýmsir athugasemdir við samstarf Atlanta og Magic City, þar á meðal stuðningsmenn, samstarfsaðilar og starfsmenn.

Atlanta sagðist virða ákvörðun NBA-deildarinnar þrátt fyrir að félagið væri vonsvikið með hana.

Atlanta hefur gengið allt í haginn inni á vellinum að undanförnu og unnið sex leiki í röð. Liðið er í 9. sæti Austurdeildarinnar með 33 sigra og 31 tap.

NBA

Mest lesið


Fleiri fréttir

Sjá meira


×

Mest lesið