McDermott: Gylfi elskar pressuna

Brian McDermott, knattspyrnustjóri Reading, segir að Gylfi Þór Sigurðsson hafi verið svalur eins og ís þegar hann tók vítaspyrnuna gegn Leicester í gær.

Gylfi skoraði sigurmarkið undir blálok en þetta var hans fjórtánda mark á tímabilinu. „Ég þorði varla að horfa á spyrnuna svo ég get rétt ímyndað mér hvernig honum leið að stíga á punktinn og taka hana... hann elskar pressuna," sagði McDermott.

Þetta var ekki í fyrsta sinn í vetur sem Gylfi skorar mikilvægt mark fyrir Reading úr víti í lokin. „Hann gerði það á Anfield, hann gerði það gegn Plymouth og svo aftur í þessum leik. Hann er frábært vítaskytta og frábær karakter," sagði McDermott.

Reading er sem stendur í ellefta sæti ensku 1. deildarinnar.