Gestgjafarnir tapa aldrei í fyrsta leik á HM

Í 80 ára sögu heimsmeistaramótanna í knattspyrnu hafa gestgjafarnir aldrei tapað fyrsta leik sínum í mótinu. Í átján leikjum á átján stórmótum hafa gestgjafarnir þrettán sinnum unnið opnunarleik sinn og fimm sinnum gert jafntefli.

Suður-Afríka mætir Mexíkó í fyrsta leik HM í dag. Ekki hafa margir trú á því að Suður-Afríka geri stóra hluti þrátt fyrir að vera á heimavelli.

„Það hefur enginn trú á okkur og það er gott, þannig viljum við hafa það. Við getum alveg komið á óvart með fólkið okkar á bak við okkur. Ýmislegt getur gerst," segir Steven Pienaar, stjarna Suður-Afríku sem er í riðli með Mexíkó, Frakklandi og Úrugvæ.