Umfjöllun: Portúgalar búnir með skylduna í Laugardalnum Óskar Ófeigur Jónsson skrifar 12. október 2010 00:01 Inni eða ekki? Hér jafnar Ísland leikinn en vafi lék á því hvort boltinn fór inn eða ekki. Markið dugði þó ekki til. Mynd/Anton Portúgalir kláruðu skyldusigurinn á Íslandi með öruggum 3-1 sigri á Laugardalsvellinum í kvöld. Íslenska landsliðið situr því áfram eitt á botni H- riðilsins með ekkert stig eftir fyrstu þrjá leiki sína. Íslenska liðið sýndi styrk með því að vinna sig inn í leikinn eftir að hafa fengið á sig mark í upphafi leiks en þegar upp var staðið þá var sigur Portúgala sannfærandi og þeir þurftu enga stjörnuframmistöðu í laugardalnum til þess að tryggja sér öruggan sigur. Það hefði vissulega getað farið verr þegar tililt er tekið til þess að Portúgalir fengu algjöra draumabyrjun og voru komnir í 1-0 eftir innan við þrjár mínútur. Flestir bjuggust þá við einhverri stórskotahríð frá Cristiano Ronaldo og félögum í kjölfarið en stærsta hluta leiksins gekk íslensku strákunum vel að verjast upphlaupum Portúgala. Cristiano Ronaldo var kannski bara orðinn saddur eftir markið sitt í upphafi leiks og fyrrum félagi hans hjá Manchester United, Nani, gerði fátt að viti í leiknum og var ótrúlega mistækur í öllu því sem að hann reyndi. Það var kannski eins gott en það verður ekki tekið af íslensku varnarmönnunum að þeir mættu þessum köppum af einbeitingu og skynsemi. Portúgalir fengu sannkallaða draumabyrjun í leiknum. Eftir þrjár mínútur gaf Theodór Elmar Bjarnason ódýra aukaspyrnu á 30 metra færi og allir á vellinum vissu hvað beið. Cristiano Ronaldo steig fram og skoraði á klassískan Ronaldo-hátt með hnitmiðuðu þruumskoti, rétt fyrir vegginn og í bláhornið. Leikurinn var varla byrjaður og Ísland var komið undir. Íslenska liðið tókst hinsvegar að rífa sig upp eftir þetta áfall og vinna sig inn í leikinn á ný. Liðið fékk hornspyrnu eftir fyrstu alvöru sókn sína og þar sýndi Heiðar Helguson enn á ný hversu öflugur hann er í loftinu. Heiðar Helguson jafnaði leikinn á 17. mínútu með skalla eftir hornspyrnu frá Indriða Sigurðssyni. Portúgalir reyndu að bjarga á marklínu en annar aðstoðardómarinn taldi að boltinn hafi farið yfir línuna. Strax eftir jöfnunarmarkið fékk Hugo Almeida besta færi Portúgal í hálfleiknum en skot hans vinstra megin úr teignum fór rétt framhjá. Portúgalir voru farnir að pirra sig yfir stöðunni og það var lítið að gerast í leik liðsins þegar boltinn barst til Raul Meireles fyrir utan teig á 27. mínútu. Liverpool-maðurinn lét vaða og smellhitti boltann upp í bláhornið. Við þetta fór pressan af portúgalska liðinu og þeir gátu slakað á. Fyrri hálfleikurinn var góður hjá íslenska liðinu þrátt fyrir þessi tvö mörk sem voru að glæsilegri gerðinni og bæði illstöðvanleg. Fyrstu 45 mínúturnar tóku hinsvegar mikið á og seinni hálfleikurinn varð íslensku strákunum því erfiður. Portúgalir héldu sáttir sínu og íslenska liðið skapaði nánast ekkert fram á völlinn. Íslenska liðið lifði í voninni um jöfnunarmark og liðið fór að færa sig aðeins framar um miðjan hálfleikinn. Ólafur Jóhannesson bætti í sóknina en aðeins nokkrum mínútum síðar klárarði portígalska liðið leikinn með þriðja markinu. Gunnleifur Gunnleifsson, gerði slæm mistök í markinu. Skömmu áður hafði hann varið frábærlega frá Helder Postiga en í þriðja marki Portúgala missti hann frá sér fyrirgjöf frá Cristiano Ronaldo á klaufalegan hátt. Umræddur Helder Postiga var á réttum stað á marklínunni og ýtti boltanum yfir marklínuna. Eftir þriðja markið var enginn orka eftir í íslenska liðinu til að vinna sig aftur inn í leikinn og Portúgalir lönduðu öruggum sigri. Cristiano Ronaldo átti tvo ágæta spretti í lokin en tókst ekki að skora fjórða markið en Portúgalir gengu sáttir með þrjú stigÍsland 1-3 Portúgal Laugardalsvöllur Dómari: Thomas Einwaller frá Austurríki (6) Áhorfendur: 9766Mörkin: 0-1 Cristiano Ronaldo (3.) 1-1 Heiðar Helguason (17.) 1-2 Raul Meireles (27.) 1-3 Helder Postiga (72.)Tölfræðin: Skot (á mark): 3-15 (2-8) Varin skot: Gunnleifur 4 - Eduardo 1 Horn: 6-5 Aukaspyrnur fengnar: 15-20 Rangstæður: 3-4Smelltu hér til að opna Boltavaktina og lesa lýsingu leiksins: Ísland - Portúgal. Mest lesið Þorsteinn Roy fyrstur í mark annað árið í röð Sport Ekki pláss fyrir Rúnar í flugvélinni: „Ég fórnaði mér í þetta“ Íslenski boltinn Í beinni: Vestri - Fram | Úrslitaleikur undir Íslenski boltinn „Þorsteinn er allt of lengi að bregðast við“ Fótbolti Hvaðan koma peningarnir sem Tottenham er að eyða? Fótbolti Elín Jóna ólétt og verður ekki með á HM Handbolti „Nýtti reynsluna úr vindinum heima til að halda þolinmæði“ Golf „Hrædd um að við séum að dragast aftur úr“ Fótbolti Doncic fékk að vita af sölunni en ekki LeBron Körfubolti Líkti Cooper Flagg við Kobe Bryant Körfubolti Fleiri fréttir Njarðvík slapp með stig frá Húsavík Onana frá næstu vikurnar Í beinni: Vestri - Fram | Úrslitaleikur undir Ánægður með Arnar og er klár í haustið „Þorsteinn er allt of lengi að bregðast við“ Ekki pláss fyrir Rúnar í flugvélinni: „Ég fórnaði mér í þetta“ Diljá Ýr búin að semja við Brann Hvaðan koma peningarnir sem Tottenham er að eyða? „Hrædd um að við séum að dragast aftur úr“ Óttar Magnús færir sig um set á Ítalíu Topplið ÍR tapaði þremur mikilvægum stigum Kærkominn endurkomusigur Grindvíkinga Liverpool leggur númerið hans Jota á hilluna að eilífu Segir hitann á HM hættulegan Belgar kveðja EM með sigri Spánn áfram með fullt hús stiga Yfirgefur herbúðir Chelsea tveimur dögum fyrir úrslitaleik Lárus Orri byrjaður að bæta við sig Bræðurnir heiðraðir í fyrsta æfingaleik Liverpool Crystal Palace fær ekki að spila í Evrópudeildinni Forest íhugar lögsókn gegn Tottenham Krabbameinslyf felldi fótboltamann á lyfjaprófi Fyrst Íslendinga til að skora og leggja upp í sama leik á EM EM í dag: Nóg komið af leiðindum, kveðjustund og Copacabana „Þetta snýst ekki bara um Sveindísi og Karólínu“ Sjáðu þáttinn um N1 mótið: Sprungnar vindsængur, lukkuljón og Ronaldo hárgreiðsla Ísak Snær lánaður til Lyngby Jordan Henderson snýr aftur í ensku úrvalsdeildina Arsenal og Liverpool að slá heimsmetið Þóra grætur í koddann ef Þorsteinn verður áfram með liðið Sjá meira
Portúgalir kláruðu skyldusigurinn á Íslandi með öruggum 3-1 sigri á Laugardalsvellinum í kvöld. Íslenska landsliðið situr því áfram eitt á botni H- riðilsins með ekkert stig eftir fyrstu þrjá leiki sína. Íslenska liðið sýndi styrk með því að vinna sig inn í leikinn eftir að hafa fengið á sig mark í upphafi leiks en þegar upp var staðið þá var sigur Portúgala sannfærandi og þeir þurftu enga stjörnuframmistöðu í laugardalnum til þess að tryggja sér öruggan sigur. Það hefði vissulega getað farið verr þegar tililt er tekið til þess að Portúgalir fengu algjöra draumabyrjun og voru komnir í 1-0 eftir innan við þrjár mínútur. Flestir bjuggust þá við einhverri stórskotahríð frá Cristiano Ronaldo og félögum í kjölfarið en stærsta hluta leiksins gekk íslensku strákunum vel að verjast upphlaupum Portúgala. Cristiano Ronaldo var kannski bara orðinn saddur eftir markið sitt í upphafi leiks og fyrrum félagi hans hjá Manchester United, Nani, gerði fátt að viti í leiknum og var ótrúlega mistækur í öllu því sem að hann reyndi. Það var kannski eins gott en það verður ekki tekið af íslensku varnarmönnunum að þeir mættu þessum köppum af einbeitingu og skynsemi. Portúgalir fengu sannkallaða draumabyrjun í leiknum. Eftir þrjár mínútur gaf Theodór Elmar Bjarnason ódýra aukaspyrnu á 30 metra færi og allir á vellinum vissu hvað beið. Cristiano Ronaldo steig fram og skoraði á klassískan Ronaldo-hátt með hnitmiðuðu þruumskoti, rétt fyrir vegginn og í bláhornið. Leikurinn var varla byrjaður og Ísland var komið undir. Íslenska liðið tókst hinsvegar að rífa sig upp eftir þetta áfall og vinna sig inn í leikinn á ný. Liðið fékk hornspyrnu eftir fyrstu alvöru sókn sína og þar sýndi Heiðar Helguson enn á ný hversu öflugur hann er í loftinu. Heiðar Helguson jafnaði leikinn á 17. mínútu með skalla eftir hornspyrnu frá Indriða Sigurðssyni. Portúgalir reyndu að bjarga á marklínu en annar aðstoðardómarinn taldi að boltinn hafi farið yfir línuna. Strax eftir jöfnunarmarkið fékk Hugo Almeida besta færi Portúgal í hálfleiknum en skot hans vinstra megin úr teignum fór rétt framhjá. Portúgalir voru farnir að pirra sig yfir stöðunni og það var lítið að gerast í leik liðsins þegar boltinn barst til Raul Meireles fyrir utan teig á 27. mínútu. Liverpool-maðurinn lét vaða og smellhitti boltann upp í bláhornið. Við þetta fór pressan af portúgalska liðinu og þeir gátu slakað á. Fyrri hálfleikurinn var góður hjá íslenska liðinu þrátt fyrir þessi tvö mörk sem voru að glæsilegri gerðinni og bæði illstöðvanleg. Fyrstu 45 mínúturnar tóku hinsvegar mikið á og seinni hálfleikurinn varð íslensku strákunum því erfiður. Portúgalir héldu sáttir sínu og íslenska liðið skapaði nánast ekkert fram á völlinn. Íslenska liðið lifði í voninni um jöfnunarmark og liðið fór að færa sig aðeins framar um miðjan hálfleikinn. Ólafur Jóhannesson bætti í sóknina en aðeins nokkrum mínútum síðar klárarði portígalska liðið leikinn með þriðja markinu. Gunnleifur Gunnleifsson, gerði slæm mistök í markinu. Skömmu áður hafði hann varið frábærlega frá Helder Postiga en í þriðja marki Portúgala missti hann frá sér fyrirgjöf frá Cristiano Ronaldo á klaufalegan hátt. Umræddur Helder Postiga var á réttum stað á marklínunni og ýtti boltanum yfir marklínuna. Eftir þriðja markið var enginn orka eftir í íslenska liðinu til að vinna sig aftur inn í leikinn og Portúgalir lönduðu öruggum sigri. Cristiano Ronaldo átti tvo ágæta spretti í lokin en tókst ekki að skora fjórða markið en Portúgalir gengu sáttir með þrjú stigÍsland 1-3 Portúgal Laugardalsvöllur Dómari: Thomas Einwaller frá Austurríki (6) Áhorfendur: 9766Mörkin: 0-1 Cristiano Ronaldo (3.) 1-1 Heiðar Helguason (17.) 1-2 Raul Meireles (27.) 1-3 Helder Postiga (72.)Tölfræðin: Skot (á mark): 3-15 (2-8) Varin skot: Gunnleifur 4 - Eduardo 1 Horn: 6-5 Aukaspyrnur fengnar: 15-20 Rangstæður: 3-4Smelltu hér til að opna Boltavaktina og lesa lýsingu leiksins: Ísland - Portúgal.
Mest lesið Þorsteinn Roy fyrstur í mark annað árið í röð Sport Ekki pláss fyrir Rúnar í flugvélinni: „Ég fórnaði mér í þetta“ Íslenski boltinn Í beinni: Vestri - Fram | Úrslitaleikur undir Íslenski boltinn „Þorsteinn er allt of lengi að bregðast við“ Fótbolti Hvaðan koma peningarnir sem Tottenham er að eyða? Fótbolti Elín Jóna ólétt og verður ekki með á HM Handbolti „Nýtti reynsluna úr vindinum heima til að halda þolinmæði“ Golf „Hrædd um að við séum að dragast aftur úr“ Fótbolti Doncic fékk að vita af sölunni en ekki LeBron Körfubolti Líkti Cooper Flagg við Kobe Bryant Körfubolti Fleiri fréttir Njarðvík slapp með stig frá Húsavík Onana frá næstu vikurnar Í beinni: Vestri - Fram | Úrslitaleikur undir Ánægður með Arnar og er klár í haustið „Þorsteinn er allt of lengi að bregðast við“ Ekki pláss fyrir Rúnar í flugvélinni: „Ég fórnaði mér í þetta“ Diljá Ýr búin að semja við Brann Hvaðan koma peningarnir sem Tottenham er að eyða? „Hrædd um að við séum að dragast aftur úr“ Óttar Magnús færir sig um set á Ítalíu Topplið ÍR tapaði þremur mikilvægum stigum Kærkominn endurkomusigur Grindvíkinga Liverpool leggur númerið hans Jota á hilluna að eilífu Segir hitann á HM hættulegan Belgar kveðja EM með sigri Spánn áfram með fullt hús stiga Yfirgefur herbúðir Chelsea tveimur dögum fyrir úrslitaleik Lárus Orri byrjaður að bæta við sig Bræðurnir heiðraðir í fyrsta æfingaleik Liverpool Crystal Palace fær ekki að spila í Evrópudeildinni Forest íhugar lögsókn gegn Tottenham Krabbameinslyf felldi fótboltamann á lyfjaprófi Fyrst Íslendinga til að skora og leggja upp í sama leik á EM EM í dag: Nóg komið af leiðindum, kveðjustund og Copacabana „Þetta snýst ekki bara um Sveindísi og Karólínu“ Sjáðu þáttinn um N1 mótið: Sprungnar vindsængur, lukkuljón og Ronaldo hárgreiðsla Ísak Snær lánaður til Lyngby Jordan Henderson snýr aftur í ensku úrvalsdeildina Arsenal og Liverpool að slá heimsmetið Þóra grætur í koddann ef Þorsteinn verður áfram með liðið Sjá meira