Casillas segir engin lítil lið vera á HM

Spænski markmaðurinn Iker Casillas segir að Evrópumeistararnir vanmeti engan á HM. Fyrsti leikur Spánar á HM hefst klukkan 14 þegar það mætir Sviss.

"Það eru engin lítil lönd á HM. Landslið sem voru kölluð léleg eru að bæta sig og þau geta komið þér á óvart," sagði Casillas.

"Andstæðingurinn getur nýtt sér mistök þín og það getur orðið dýrkeypt. Þessvegna þarf að undirbúa sig fyrir allt."

"Enginn tekur Evrópumeistaratitilinn af okkur en við verðum að vera rólegir og bera virðingu fyrir öllum liðum," sagði markmaðurinn.