Ronaldo kvartar - Orðsporið fer með hann

Cristiano Ronaldo kvartar og kveinar í fjölmiðlum í dag yfir meðferðinni sem hann hlaut í leiknum gegn Fílabeinsströndinni. Kappanum fannst hann ekki fá næga vernd hjá dómurunum.

Ronaldo var slakur í leiknum en hann fékk eðlilega nokkrum sinnum byltur í leiknum.

"Stundum er erfitt fyrir dómara að gefa mér aukaspyrnur af því þeir halda að ég hafi látið mig falla," sagði Ronaldo en hann telur að orðspor sitt í þeim efnum sé að fara illa með sig.

"Ég virði dómarana en ég er ekki alltaf sammála þeim af því þeir vernda ekki bestu leikmennina," sagði Ronaldo.