Serbar sökktu Þjóðverjum

Þjóðverjar, sem mörgum fannst vera eina liðið sem sýndi sitt rétt andlit í fyrstu umferð HM, tapaði fyrir Serbum í annarri umferð riðlakeppninnar í dag.

Miroslav Klose, sem gat komist í annað sæti yfir markahæstu menn í lokakeppni HM með Pele, fékk rautt spjald eftir 37. mínútur. Hann fékk tvö gul spjöld fyrir brot.

Aðeins mínútu síðar skoraði Serbía. Þar var að verki Milan Jovanovic, sem er á leiðinni til Liverpool. Hann skoraði úr markeignum eftir að Nikola Zigic skallaði boltann til hans.

Þjóðverjar fengu gullið tækifæri til að jafna leikinn á 60 mínútu þegar Nemanja Vidic fékk á sig glórulaust víti. Hann tók boltann með hendinni innan teigs og fékk gult spjald fyrir ómakið.

Lukas Podolski tók vítið en Vladimir Stojkovic varði virkilega slaka spyrnu hans.

Þjóðverjar héldu boltanum nánast út leikinn en Serbar pökkuðu í vörn, þrátt fyrir að vera einum fleirri. Það var rétt taktík því Þjóðverjar komust aldrei nálægt því að skora sigur og Serba því staðreynd.