Stórlið á eftir Luis Suarez

Juventus, Manchester United, Tottenham og Barcelona eru meðal þeirra liða sem horfa hýru auga til úrúgvæska sóknarmannsins Luis Suarez.

Suarez er ein skærasta stjarna heimsmeistaramótsins í Suður-Afríku og leikið lykilhlutverk í því að þjóð hans er komin í átta liða úrslit mótsins í fyrsta sinn í 40 ár.

Manchester United og Barcelona sýndu áhuga á leikmanninum í janúar en hann raðaði inn mörkum fyrir Ajax í Hollandi á síðasta tímabili. Suarez hefur verið hjá Ajax í þrjú ár en hann var keyptur til liðsins á smáaura frá Gröningen.