Gleymdist markið hans Gylfa? - FIFA velur mark ársins

Það eru tíu glæsimörk sem koma til greina sem mark ársins hjá FIFA. Sigurvegarinn hlýtur Puskás-verðlaunin sem eru veitt til heiðurs Ungverjarnum snjalla Ferenc Puskás sem skoraði mörg stórkostleg mörk á sínum frábæra ferli.

Það eru aðeins mörk sem voru skoruðu á bilinu 1. janúar til 15. október sem eru gjaldgeng í kjörið en við Íslendingar söknum þó þess að sjá ekki á þessum lista seinna mark Gylfa Þórs Sigurðssonar í seinni umspilsleiknum á móti Skotum. Það er í lagi að rifja aðeins upp undraskotið hans Gylfa með því að smella hér.

Opnunarmark Siphiwe Tshabalala á HM í Suður-Afríku er eitt markanna sem koma til greina en annað er mark Giovanni van Bronckhorst í sigri Hollendinga á Úrúgvæ í undanúrslitaleiknum á HM. Aðrir sem sem eiga mark á listanum eru Hamit Altintop, Matthew Burrows, Linus Hallenius, Lionel Messi, Samir Nasri, Neymar, Arjen Robben og Kumi Yokoyama sem er eina konan á listanum.

Cristiano Ronaldo átti flottasta markið í fyrra þegar verðlaunin voru veitt í fyrsta sinn. Ronaldo skoraði markið í sigri Manchester United á Porto í Meistaradeildinni. Andrés Iniesta var þá í öðru sæti með mark sitt fyrir Barcelona á móti Chelsea.

Hér fyrir neðan má sjá listan yfir mörkin tíu sem koma til greina þar sem finna má myndband með hverju marki fyrir sig. Þeir sem vilja hjálpa FIFA við valið geta smelt hér og greitt flottasta markinu sitt atkvæði.



Flottustu mörk ársins 2010 að mati FIFA:

Siphiwe Tshabalala (fyrir Suður-Afríku) Sjá myndband hér

Giovanni van Bronckhorst (fyrir Holland) Sjá myndband hér

Hamit Altintop (fyrir Tyrkland) Sjá myndband hér

Matthew Burrows (fyrir Glentoran í Norður Írlandi) Sjá myndband hér

Linus Hallenius (fyrir Hammarby í Svíþjóð) Sjá myndband hér

Lionel Messi (fyrir Barcelona á Spáni) Sjá myndband hér

Samir Nasri (fyrir Arsenal í Englandi) Sjá myndband hér

Neymar (fyrir Santos í Brasilíu) Sjá myndband hér

Arjen Robben (fyrir Bayern Munchen í Þýskalandi) Sjá myndband hér

Kumi Yokoyama (fyrir 17 ára lið Japans) Sjá myndband hér