Kostnaður FIFA við HM hækkar enn

Maðurinn sem stýrir HM fyrir hönd FIFA, Jerome Valcke, hefur í nógu að snúast þessa dagana. Sléttur mánuður er í að keppni hefst í Suður Afríku en til þess að allt yrði klárt þurfti 100 milljónir dollara í aukafjárveitingu.

Það eru 67 milljónir punda en samkvæmt BBC hefur aukafjárveiting FIFA við keppnina farið úr 282 milljónum punda í 349 milljónir. Auka peningarnir núna fóru í að klára svæðin sem liðin dvelja á tilbúin.

Valcke sagði þó að FIFA myndi hala inn 2.1 billjón pundum á mótinu og það væri því nóg eftir. Inni í því er allur kostnaður sem fer til Suður-Afríku sem nemur allt að 800 milljón pundum.

Það sem verður í afgang fer í að halda námskeið hjá hinum ýmsu knattspyrnusamböndum.

Samtals kostnaður Suður Afríku er síðan um 3,5 billjónir punda. Inni í þeim tölum eru byggingar leikvanga, nýjar samgönguæðar og ýmislegt fleira.

Nokkur lönd, meðal annars England með Fabio Capello í broddi fylkingar, höfðu kvartað yfir lélegri aðstöðu, aðallega ástandi æfingavalla. Hann, sem og aðrir, eru því ánægðir með fréttirnar en Capello er sagður vera mjög sáttur með breytingarnar.