Terry á að biðjast afsökunar

Graham Taylor, fyrrum landsliðsþjálfari Englands, hefur krafist þess að John Terry biðjist opinberlega afsökunar á að hafa raskað undirbúningi enska landsliðsins fyrir HM.

„Terry-málið er vandamál fyrir Capello. Málið er búið að hafa djúpstæðari áhrif á hópinn en fólk heldur. Við höfum öll séð að fjölmiðlar ætla ekki að hætta að fjalla um þetta mál. Ég held að það væri góð ráðgjöf ef einhver segði John að biðjast afsökunar fyrr frekar en síðar. Hann hefur samt kosið að sleppa því," sagði Taylor.

„Það má líka segja að hann sé ekki alveg í sínu besta formi þessa dagana. Hann þarf að taka sín mál í gegn."