Moldsked: Stórslys ef við töpum þessu niður

Norski markvörðurinn hjá KR, Lars Ivar Moldsked, átti fínan leik í marki KR gegn Glentoran í kvöld og hélt marki sínu hreinu. Hann varði eitt dauðafæri og greip vel inn í leikinn.

Leikur hans sífellt að batna og Norðmaðurinn var brosmildur eftir leikinn í kvöld.

"Það var mikilvægt að halda hreinu í kvöld og það verður afar erfitt fyrri Glentoran að skora fjögur mörk gegn okkur á sínum heimavelli," sagði Norðmaðurinn kátur.

"Aðstæður í kvöld voru afar erfiðar og því er enn ánægjulegra að halda hreinu. Við erum augljóslega með mun sterkara lið. Það sást strax í upphafi," sagði Moldsked en hann er augljóslega afar bjartsýnn fyrir seinni leikinn.

"Það yrði stórslys ef við töpum þessu niður. Þá eigum við líka ekki skilið að fara áfram."