Umfjöllun: Fylkir í annað sætið eftir sigur á KR

Fylkismenn gerðu góða ferð í Vesturbæinn í kvöld og unnu hreint frábæran sigur á KR-ingum 4-2. Markalaust var í hálfleik en sex mörk voru á boðstólnum í seinni hálfleik.

KR-ingar spiluðu betur í fyrri hálfleiknum en náðu ekki að finna leið framhjá Ólafi Þór Gunnarssyni í marki Fylkis. Baldur Sigurðsson fékk tvö dauðafæri sem ekki nýttust og þá bjargaði Einar Pétursson, varnarmaður Fylkis, á línu eftir skot Atla Jóhannssonar.

Seinni hálfleikurinn byrjaði fjörlega og Fylkir náði forystunni þegar Albert Brynjar Ingason átti sendingu fyrir en Mark Rutgers, varnarmaður KR, setti boltann í eigið mark. Virkilega klaufalegt. KR-ingar voru áttavilltir og fengu síðan annað mark í andlitið stuttu seinna en þá skoraði Albert Brynjar.

KR-ingar komu til baka og náðu að jafna í 2-2. Guðmundur Benediktsson skoraði með föstu skoti beint úr aukaspyrnu og svo jafnaði Björgólfur Takefusa úr vítaspyrnu. Vítið var dæmt eftir að togað var í Björgólf í teignum. Fylkismenn mótmæltu harðlega en ákvörðun dómarans að dæma víti var hárrétt.

Fylkismönnum þyrsti meira í sigurinn og á 79. mínútu lagði Jóhann Þórhallsson upp mark fyrir Ingimund Níels Óskarsson, fyrrum leikmann KR. Það kom mörgum á óvart þegar KR ákváðu að sleppa Ingimundi í Fylki og sveið mörgum sárt að sjá hann ganga frá leiknum í kvöld. Hann skoraði síðan sjötta og síðasta mark leiksins eftir sendingu Halldórs Hilmissonar á lokamínútunni.

Glæsilegur sigur Fylkis en liðið lék eins og það hefur gert í nánast allt sumar, af miklum krafti og ótrúlegri baráttugleði. Með þessum sigri komst liðið upp í annað sæti deildarinnar en ýttu KR-ingum sæti neðar.

KR - Fylkir 2-4

0-1 Sjálfsmark (48.)

0-2 Albert Brynjar Ingason (53.)

1-2 Guðmundur Benediktsson (56.)

2-2 Björgólfur Takefusa (víti 75.)

2-3 Ingimundur Níels Óskarsson (79.)

2-4 Ingimundur Níels Óskarsson (90.)

KR-völlur. Áhorfendur: 1.906

Dómari: Þóroddur Hjaltalín Jr. 7

Skot (á mark): 12-11 (5-5)

Varin skot: Hansen 1 - Ólafur 1

Hornspyrnur: 7-4

Rangstöður: 1-1

Aukaspyrnur fengnar: 13-12

KR 4-4-2

Andre Hansen 5

Skúli Jón Friðgeirsson 6

Mark Rutgers 3

Grétar Sigfinnur Sigurðarson 5

Jordao Diogo 4

Gunnar Örn Jónsson 6

(76. Gunnar Kristjánsson -)

Baldur Sigurðsson 3

Bjarni Guðjónsson 5

Atli Jóhannsson 4

(59. Óskar Örn Hauksson 4)

Guðmundur Benediktsson 8

Björgólfur Takefusa 7

Fylkir 4-5-1

Ólafur Þór Gunnarsson 7

Andrés Már Jóhannesson 7

Einar Pétursson 8

(81. Halldór Hilmisson -)

Kristján Valdimarsson 6

Kjartan Ágúst Breiðdal 7

Valur Fannar Gíslason 6

Ingimundur Níels Óskarsson 8* - Maður leiksins

Ásgeir Börkur Ásgeirsson 7

Ólafur Ingi Stígsson 8

Theodór Óskarsson 4

(66. Pape Faye 6)

Albert Brynjar Ingason 6

(71. Jóhann Þórhallsson -)

Leiknum var lýst beint á Boltavakt Vísis og Fréttablaðsins. Til þess að sjá lýsinguna þarf að smella hér: KR - Fylkir