Sjálfstæðu leikhúsin róa lífróður - Borgarleikhúsið setur met

Í tilkynningu frá sjálfstæðu leikhúsunum sem send er fjölmiðlum í dag kemur fram að áhrif efnahagslægðar á Íslandi sé farið að gæta í starfi þeirra. Þar segir að á komandi leikári muni færri uppsetningar líta dagsins ljós miðað við fyrri ár, meðal annars vegna húsnæðisskorts hafa fleiri atvinnuleikhópar sótt á náðir stofnanaleikhúsanna með upppsetningar sínar og leikhópari sæki í auknum mæli til útlanda. Á sama tíam setur Borgarleikhúsið met í áskriftarsölu.

Í fyrrnefndri tilkynningu segir að einungis um 12 verkefni á vegum sjálfsæðra atvinnuleikhópa njóti árlega stuðnings frá ríki og borg fyrir því sem nemi helmingi af uppsetningarkostnaði.

„Önnur verkefni hafa verið fjármögnuð með litlum styrkjum frá fyrirtækjum og eigin fé eða lántöku aðstandenda atvinnuleikhópanna. Tveir síðar nefndu kostirnir hafa horfið á liðnu ári sem hefur ollið því að færri sýningar á vegum sjálfstæðra leikhópa munu líta dagsins ljós á komandi leikári."

Á sama tíma berast þær fréttir úr Borgarleikhúsinu að kortasala hafi aldrei verið meiri. Í fyrra seldi Borgarleikhúsið fleiri áskriftarkort í leikhúsið en íslenskt leikhús hefur nokkru sinni gert fyrr

Borgarleikhúsið heldur sínu striki og bauð nú í haust upp á samskonar kort og í fyrra - og á sama verði og þá. Viðbrögðin hafa ekki látið á sér standa því aftur er alger sprenging í sölu áskriftarkorta og hefur Borgarleikhúsið slegið eigið met.

„Nú, réttum þremur vikum eftir að kortasala hófst, hefur Borgarleikhúsið þegar selt fleiri kort en á öllu átta vikna sölutímabilinu í fyrra. Það er því ljóst að metið sem Borgarleikhúsið setti í fyrra í kortasölu, hefur verið slegið. Allt stefnir í að kortagestir Borgarleikhússins verði nálægt 10.000 talsins þegar sölu lýkur í október. Þá mun kortasala að líkindum hafa 18-faldast á rúmu ári."