Veigar Páll er góður í Laser Tag

Íslenska karlalandsliðið í fótbolta leitar ýmsa leiða til þess að efla liðsheildina og gera skemmtilega hluti saman milli æfinga. Á heimasíðu KSÍ er sagt frá því þegar allt liðið skellti sér í Laser Tag í gærmorgun.

Hópnum var skipt í þrjú lið og voru þau aldursskipt. Fór svo að hið ævaforna lið fór með sigur af hólmi, þeir miðaldra urðu í öðru sæti og þeir yngstu ráku lestina.

Í einstaklingskeppninni fór svo að Veigar Páll Gunnarsson sigraði örugglega og er þetta í annað skiptið í röð sem hann sigrar þessa keppni. Aron Einar Gunnarsson varð í öðru sæti og þriðja sætið hreppti Gunnar Gylfason, starfsmaður landsliðsnefndar.