Fljúgandi furðuhlutir í brennidepli í Bretlandi

Bretar ræða nú um fljúgandi furðuhluti sem aldrei fyrr. Ekki eru nema nokkrir dagar síðan bresk stjórnvöld birtu vitnisburði og teikningar fjölda fólks sem sagðist hafa séð slíka hluti og voru óvenjumargar skýrslnanna frá árinu 1989 og margar lýsinganna nokkuð samhljóða.

Nú hefur ljósmynd sem Derek nokkur Burdon tók í London fyrir nokkrum dögum vakið athygli en á henni sjást fjórir disklaga hlutir á himninum, skammt frá útsýnishjólinu The London Eye. Maður sem býr í Paddington-hverfinu segir fyrirbærin þó auðskýrð, þar sé um að ræða lýsingu frá ljóskösturum nærri þinghúsinu.