Sautján látnir - byssumaðurinn skotinn

Að minnsta kosti sextán féllu þegar byssumaðurinn, sem talinn er fyrrverandi nemandi í skólanum,  gekk berserksgang í morgun. Fjölmargir særðust einnig í skotárásinni. Maðurinn var í svörtum hermannabúningi og flúði hann af vettvangi eftir árásina. Lögregla fann hann eftir mikla leit á bílastæði verslunarmiðstöð í bænum. Tveir munu hafa látist í skotbardaga á milli lögreglu og árásarmannsins.

Nokkrar skotárásir hafa verið gerðar í þýskum skólum á síðustu árum. Grímuklæddur maður réðst með riflum og sprengjum inn í skóla í bænum Emsdetten í vesturhluta Þýskalands 2006.

Ellefu særðust í þeirri árás áður en ódæðismaðurinn svipti sig lífi. Versta árás af þessu tagi hingað til var gerð í skóla í bænum Erfurt í austurhluta Þýskalands 2002. Þá skaut árásamaður sextán til bana áður en hann beindi byssunni að sjálfum sér.