Ferguson: Ég þarf stundum að róa Ronaldo

Sir Alex Ferguson segir að hann þurfi stundum að róa Ronaldo inni á vellinum. Ronaldo á það til að pirrast inni á vellinum sem að eigin sögn verði til þess að hann missi einbeitinguna.

Ronaldo missti boltann þegar Porto skoraði gegn United í Meistaradeildinni og hefur Ferguson nú áminnt leikmanninn.

"Ég er alls ekki ánægður með að hann sé að gefa mörk. Ég tala við hann um það. Ég er ekki ánægður með það hjá neinum. Þegar þú missir boltann í Evrópukeppninni tekur lengri tíma að ná honum aftur."

"Honum finnst hann aldrei fá næga vernd frá dómurum og ég held að í nokkrum tilfellum hafi hann kannski rétt fyrir sér. Stundum hefur hann það ekki."

"Það er erfitt fyrir leikmann sem vill skemmta áhorfendum þegar hann fær ekki allt sem hann vill. En þú getur ekki alltaf fengið allt sem þú vilt. Hann skilur það og sættir sig við það. Þetta er bara pirringur. Hann viðurkennir það líka, en ég þarf að minna hann á að missa ekki einbeitinguna á stundum,“ sagði Ferguson.