Mackay tekur við Watford

Enska B-deildarliðið Watford hefur tilkynnt að Malky Mackay muni taka við knattspyrnustjórn liðsins nú í sumar.

Mackay er 37 ára gamall og lék sjálfur með Celtic, West Ham og Norwich á sínum ferli. Hann hefur starfað sem þjálfari hjá Wolves síðan 2007 en tekur nú við starfi Brendan Rodgers sem er nýtekinn við liði Reading.

Mackay tók tímabundið við starfi stjóra Watford þegar að Aidrian Boothroyd fór frá félaginu í nóvember síðastliðnum. Hann er Skoti og á að baki þrjá leiki með skoska landsliðinu.

Andy Hessenthaler, fyrrum leikmaður Watford, hafði einnig lýst áhuga sínum á starfinu.

„Við ákváðum að fá innanbúðarmann í starfið," sagði Jimmy Russo, stjórnarformaður félagsins. „Einhver sem þekkir menningu félagsins og skilur um hvað starfið snýst."