Fyrirliði Frakka: Jafntefli væri ekki slæm úrslit fyrir okkur

Sandrine Soubeyrand, fyrirliði Frakka, var mætt á blaðamannafund með þjálfara sínum í gær og gat oft ekki annað en brosað af gríni og glensi þjálfara síns ekki síst þegar hann talaði um að í liðinu sínu væru 22 byrjunarliðsmenn en 11 byrjunarliðsmenn myndu byrja á bekknum.

„Ég býst við að íslenska liðið spili svipaðan leik og á móti okkur í undankeppninni. Þær láta finna fyrir sér, eru með góða vörn og sterkan framherja. Við getum líkar verið öruggar um það að íslensku stelpurnar munu berjast í allar 90 mínúturnar á móti okkur," sagði Sandrine Soubeyrand.

„Það væru vissulega slæmt að tapa þessum fyrsta leik en það væru þó engin endalok fyrir okkur. Það skiptir samt miklu máli upp á sjálfstraustið og gengið í mótinu að byrja á sigri. Það er mikilvægt að vinna þennan leik en jafntefli væri ekki slæm úrslit fyrir okkur," sagði Soubeyrand.