Meiðsli Grikkjans Sotiris Kyrgiakos eru ekki jafn alvarleg og óttast var í fyrstu eftir því sem kemur fram í grískum fjölmiðlum í dag.
Kyrgiakos var keyptur til Liverpool í haust en hann meiddist á hné í leik Grikklands og Lúxemborgar í gærkvöldi.
Óttast var að hann hefði slitið krossbönd og að hann yrði af þeim sökum frá í fjóra mánuði. Hins vegar herma nú fjölmiðlar í Grikklandi að líklegra sé að meiðslin séu ekki það alvarleg og að hann verði frá í um það bil fimm vikur.
Kyrgiakos var keyptur til Liverpool frá AEK Aþenu í ágúst síðastliðnum og hefur spilað tvo leiki á tímabilinu til þessa, einn í úrvalsdeildinni og einn í deildabikarnum.
