Heskey tryggði Villa sigur

Emile Heskey átti óskabyrjun í búningi Aston Villa en hann skoraði eina markið í sigri á Portsmouth í ensku úrvalsdeildinni í kvöld. Markið kom á 21. mínútu.

Hermann Hreiðarsson lék allan leikinn í vörn Portsmouth. Nadir Balhadj, leikmaður Portsmouth, fékk rauða spjaldið í seinni hálfleik.

Tottenham kláraði Stoke í fyrri hálfleik en liðið hafði 3-0 forystu þegar gengið var til búningsherbergja. Aaron Lennon, Jermain Defoe og Michael Dawson skoruðu mörkin. James Beattie minnkaði muninn í seinni hálfleik en lengra komst Stoke ekki. Sunderland lagði Fulham 1-0 en Kenwyne Jones fagnaði nýjum samningi með því að skora eina mark leiksins á 55. mínútu.

Sunderland - Fulham 1-0

Portsmouth - Aston Villa 0-1

Tottenham - Stoke 3-1

West Brom - Man Utd 0-5 (Leik að ljúka)