Gefur ekki upp hug sinn strax

Avigdor Lieberman, leiðtogi ísraelska hægriflokksins Yisrael Beiteinu, sagðist hafa gert upp hug sinn varðandi það, hvort hann vilji heldur sitja í stjórn með Tzipi Livni, leiðtoga Kadima, eða Benjamin Netanyahu, leiðtoga Likud. Hins vegar vill hann ekki gefa upp afstöðu sína strax.

Meir Sheerit, innanríkisráðherra í fráfarandi ríkisstjórn, lýsti því síðan yfir í gær að Kadima myndi ekki ganga í stjórn með Likud. Sheerit sagðist vel geta hugsað sér að Kadima-flokkurinn færi í stjórnar­andstöðu. - gb