Fótbolti

Kjartan Henry skoraði í fyrsta leik með Falkirk

Henry Birgir Gunnarsson skrifar
Kjartan Henry í landsleik.
Kjartan Henry í landsleik.

Kjartan Henry Finnbogason fékk flugstart með sínu nýja félagi, Falkirk, þegar hann lék sinn fyrsta leik fyrir liðið í skosku úrvalsdeildinni í dag.

Kjartan var lánaður til félagsins frá Sandefjord í Noregi á dögunum og hann stökk beint í byrjunarlið félagsins.

KR-ingurinn fyrrverandi skoraði eina mark Falkirk í leiknum gegn Dundee United en því miður fyrir Falkirk dugði það ekki til sigurs því Dundee vann, 2-1.

Falkirk er í næstneðsta sæti deildarinnar.

Gamali Everton-maðurinn, Danny Cadamarteri, skoraði annað marka Dundee Utd. í leiknum.

Fótbolti

Mest lesið


Fleiri fréttir

Sjá meira


×

Mest lesið