Enski boltinn

Manchester City og Blackburn ná saman um verðmiða á Roque Santa Cruz

Ómar Þorgeirsson skrifar
Roque Santa Cruz.
Roque Santa Cruz. Nordic photos/Getty images

Framherjinn Roque Santa Cruz er samkvæmt heimildum Sky Sports fréttastofunnar nú nálægt því að ganga í raðir Manchester City frá Blackburn. Talið er að félögin hafi þegar náð saman um kaupverð upp á 18 milljónir punda.

City reyndi að fá Cruz í félagsskiptaglugganum í janúar en þá neituðu forráðamenn öllum kauptilboðum í leikmanninn.

Hinn 27 ára gamli Cruz kom til Blackburn á 3,5 milljónir punda árið 2007 en þá var Mark Hughes, núverandi knattspyrnustjóri City, við stjórnvölinn hjá Blackburn.

Samkvæmt Sky Sports fréttastofunni eiga City og Cruz ennþá eftir að ná samningum en það mun aðeins vera formsatriði.












Fleiri fréttir

Sjá meira


×