Middlesbrough vill kaupa Neville og Scholes

Gareth Southgate og lærisveinar hans í Middlesbrough búa sig nú undir baráttuna í b-deildinni á Englandi eftir að hafa fallið úr úrvalsdeildinni á nýafstaðinni leiktíð. Southgate vill fá til sín reynslumikla menn og samkvæmt Sky Sports fréttastofunni eru Manchester United goðsagnirnar og fyrrum liðsfélagar Southgate hjá enska landsliðinu Gary Neville og Paul Scholes efstir á óskalistanum.

Neville og Scholes eru báðir 34 ára gamlir og hafa leikið allan sinn feril með United en óvíst er í fyrsta lagi hvort að þeir séu tilbúinir að taka stökkið niður á við í b-deildina og svo í öðru lagi hvort United er tilbúið að missa þá frá sér.

Middlesbrough er í það minnsta sagt vera búið að setja sig í samband við forráðamenn United og lýsa áhuga á leikmönnunum.