Umfjöllun: Fylkir í góðum málum

Fylkir fór langt með að tryggja sér þriðja sæti deildarinnar hið minnsta með góðum, 3-2, útisigri á Grindavík í kvöld.

Liðin voru þó nokkuð frá því að sýna sinn besta leik í fyrri hálfleik. Grindavík átti erfitt með að hemja boltann í rokinu en þó Fylkismönnum hafi gengið betur að halda boltann niðri á vellinum og innan sinna raða skapaði liðið sér fá færi fyrir utan nokkrar skottilraunir utan af velli.

Grindavík skoraði úr sinni fyrstu sókn í leiknum en Fylkir jafnað metin með marki eftir aukaspyrnu af 40 metra færi þar sem Óskar Pétursson misreiknaði skot Kjartans Breiðdal illilega.

Jafnt var í hálfleik, 1-1, en Einar Pétursson kom Fylki yfir eftir tæplega tveggja mínútna leik í seinni hálfleik. Grindvíkingar jöfnuðu eftir aðeins sjö mínútur og sóttu bæði lið stíft í leit að fimmta marki leiksins sem kom á 66. mínútu þegar fyrrum leikmanni Grindavíkur, Jóhanni Þórhallssyni, var skellt í teignum og Albert Brynjar Ingason skoraði af öryggi af vítapunktinum.

Grindvíkingar reyndu allt hvað þeir gátu að jafna metin en náði ekki að skapa sér nein teljandi dauðafæri þó þeir hafi átt nokkrar fínar marktilraunir úr langskotum og hálffærum.

Fylkir er því í góðri stöðu í þriðja sæti deildarinnar, átta stigum á undan Fram þegar níu stig eru í pottinum og þremur stigum á eftir KR í öðru sæti. Grindavík getur enn fallið þar sem liðið er sjö stigum á undan Fjölni sem á þrjá leiki eftir en Grindavík á einn leik til góða.

Grindavík-Fylkir 2-3

1-0 Orri Freyr Hjaltalín ´16

1-1 Kjartan Orri Breiðdal ´24

1-2 Einar Pétursson ´47

2-2 Gilles Mbang Ondo ´54

2-3 Albert Brynjar Ingason (víti) ´66

Grindavíkurvöllur. Áhorfendur: 623

Dómari: Einar Örn Daníelsson 6

Skot (á mark): 14-10 (6-4)

Varið: Óskar 1 – Ólafur 3

Aukaspyrnur: 18-13

Horn: 9-3

Rangstöður: 1-3

Grindavík 4-4-2:

Óskar Pétursson 3

Ray Anthony Jónsson 4

Zoran Stamenic 5

(32. Óli Baldur Bjarnason 6)

Óli Stefán Flóventsson 6

Jósef Kristinn Jósefsson 5

(80. Sveinbjörn Jónasson -)

Jóhann Helgason 6

Orri Freyr Hjaltalín 6

Tor Erik Moen 4

Ben Ryan Long 6

Scott Ramsay 4

Gilles Mbang Ondo 5

Fylkir 4-3-3:

Ólafur Þór Gunnarsson 5

Þórir Hannesson 6

Kristján Valdimarsson 6

Einar Pétursson 6

Tómas Þorsteinsson 5

(80. Pape Mamadou Faye -)

Ólafur Ingi Stígsson 5

Ásgeir Börkur Ásgeirsson 6

Halldór Arnar Hilmisson 5

Andrés Már Jóhannesson 6

(43. Jóhann Þórhallsson 4)

*Albert Brynjar Ingason 7 Maður leiksins

(88. Kjartan Andri Baldvinsson -)

Kjartan Ágúst Breiðdal 6