Níu látnir eftir hótelsprengingar

Að minnsta kosti níu eru látnir og yfir 40 særðir eftir að sprengjur sprungu á tveimur hótelum í Jakarta, höfuðborg Indónesíu, í morgun. Lögregla telur að á öðru hótelinu hafi sprengju verið komið fyrir í kjallara byggingarinnar, undir matsal sem var fullur af morgunverðargestum þegar sprengjan sprakk. Á þessu sama hóteli dóu tólf í sprengjutilræði sumarið 2003. Björgunarmenn og lögregla hafa flutt alla hótelgesti á örugga staði og eru fulltrúar bandaríska sendiráðsins á vettvangi en tveir bandarískir kaupsýslumenn eru meðal þeirra sem særðust.