Portsmouth lagði Everton

Hermann Hreiðarsson og félagar í Portsmouth unnu gríðarlega mikilvægan sigur, 2-1, á Everton áðan. Portsmouth var rétt fyrir ofan fallsvæðið fyrir leikinn og stigin þrjú því afar mikilvæg.

Leighton Baines kom Everton yfir strax á fjórðu mínútu en Peter Crouch jafnaði fyrir Portsmouth á 22. mínútu.

Það var síðan Crouch sem tryggði Portsmouth öll stigin með laglegu skallamarki korteri fyrir leikslok. Portsmouth komst upp um tvö sæti í deildinni með sigrinum.

Hermann Hreiðarsson lék allan leikinn fyrir Portsmouth og stóð sig vel.

Staðan í ensku deildinni.